कुलमानको पार्टी उज्यालो नेपाल, चुनाव चिह्न के ?
२४ कात्तिक २०८२ सोमबार, काठमाडौं । उर्जामन्त्री कुलमान घिसिङको पार्टीको नाम ‘उज्यालो नेपाल’ राख्ने सहमति भएको छ ।
यसअघि पार्टीको नाम ‘नेपाल जनसेवा पार्टी’ राख्ने विषयमा छलफल भएको थियो ।
तत्कालको लागि पूर्वसचिव अनुपकुमार उपाध्यायको संयोजकत्वमा अरु सबै सदस्य रहने गरी निर्वाचन आयोगमा पार्टी दर्ता हुने भएको छ ।
पार्टीको चुनाव चिह्न ‘बिजुलीको चिम’ रहनेछ ।
तत्कालको लागि पार्टीमा कोही पदाधिकारी नहुने बताइएको छ ।
अहिले उपाध्यायको संयोजकत्वमा ५१ जनाको केन्द्रीय कमिटी हुने छ ।
सम्भव भएसम्म आजै नभए भोलि मंगलबार पार्टी दर्ता हुनेछ ।
सुमना श्रेष्ठ, सागर ढकाल, सुधन गुरुङ, रञ्जु दर्शनालगायत अन्य पदाधिकारी अर्को चरणमा जोडिने छन् ।
