बालेनले महेश बस्नेतलाई पनि भावुक बनाए
३० फागुन शनिबार २०८२, काठमाडौं । नेकपा एमालेका अध्यक्ष केपी ओलीका पिता मोहनप्रसाद ओलीको निधनप्रति देशभरबाट व्यक्त भएको समवेदनाले नेपाली समाजको मानवीयता, सभ्यता र राजनीतिक संस्कारको सुन्दर उदाहरण प्रस्तुत गरेको महेश बस्नेतले बताएका छन्।
नेकपा एमालेका सचिव महेशले शोकको यस कठिन घडीमा विभिन्न दलका नेता, सर्वसाधारण तथा जनमानसले व्यक्त गरेको समवेदनाले नेपाली समाज कति उदार र सहृदयी छ भन्ने देखाएको उल्लेख गरेका छन्।
उनले विशेषगरी रवि लामिछाने, गगन थापा, पुष्पकमल दाहाल लगायतका नेताहरूले प्रकट गरेको समवेदनाप्रति धन्यवाद व्यक्त गरेका छन्।
त्यस्तै, बालेन शाहले “पिताको अनुपस्थितिले ल्याउने रित्तोपन मलाई महसुस छ” भन्दै दिएको मर्मस्पर्शी समवेदनाले नेपाली समाजमा दुःखमा साथ दिने संस्कार अझै बलियो रहेको सन्देश दिएको महेशले बताएका छन्।
बालेनको समवेदनाले बालनेको कट्टर आलोचक रहेका महेश समेत भावुक भएका छन् ।
उनका अनुसार अरूको पीडामा आफूलाई देख्ने नेपालीपनले हाम्रो समाज कति उदार र मानवीय छ भन्ने स्पष्ट पार्छ।
महेशले सामाजिक सञ्जाल फेसबुकमा स्वर्गीय मोहनप्रसाद ओलीप्रति श्रद्धाञ्जली अर्पण गर्दै केपी ओली तथा शोकसन्तप्त परिवारजनप्रति गहिरो समवेदना व्यक्त गरेका छन्।
