गायिका नितुद्वारा स्टुडियोमै आत्मदाह प्रयास
१ कार्तिक २०८२, काठमाडौं । काठमाडौंको अनामनगरस्थित एक स्टुडियोमा युवतीले आत्मदाह प्रयास गरेकी छिन् ।
शनिबार दिउँसो स्टुडियोमै युवतीले आफूलाई जलाउनका लागि पेट्रोल खन्याएकी थिइन् ।
अन्दाजी ३० वर्षीया गायिका नितु पौडेलले आत्मदाह प्रयास गरेकी हुन् ।
आगो लागेकै अवस्थामा प्रहरीले उनलाई उद्धार गरी कीर्तिपुरस्थित जलन उपचार लगेको छ ।
घटनाको कारण खोजी हुने र कोही दोषी भए कानूनी कारवाही हुने प्रहरीले बताएको छ ।
नितुसहित अर्का एक युवक पनि घाइते भएका छन् ।
उक्त स्टुडियो गायक बबुल गिरीको हो ।
