रवि लामिछानेलाई के भएको हो ?

२९ फागुन शुक्रबार २०८२, काठमाडौं । राष्ट्रिय स्वतन्त्र पार्टी (रास्वपा) सभापति रवि लामिछाने अस्वस्थ (बिरमाी) भएका छन् ।

उनी घरमै बसेर आराम गरिरहेको प्रमुख स्वकीय सचिव अविनाश आचार्यले जानकारी दिए ।

लामिछानेलाई केही दिनदेखि ज्वरो आइरहेको छ ।

चेकजाँचका क्रममा पिशाबमा इन्फेक्सन देखिएको थियो ।

उनी नियमित औषधि सेवन गरिरहेका छन्, तर ज्वरो रोकिएको छैन ।

चिकित्सकले अझै एक–दुई दिन आराम गर्न सुझाव दिएका छन् ।

चुनावको धपेडीका कारण रवि बिरामी परेका हुन् ।

भावी प्रधानमन्त्री तथा रास्वपाका वरिष्ठ नेता बालेन शाह हिजो लामिछानेलाई उनको निवासमै पुगेर भेटेका छन् ।

चुनावको नतिजापछि उनीहरुको पहिलोपटक भेट भएको हो ।

स्वकीय सचिव आचार्यका अनुसार नेताद्वयबीच वान टु वान कुराकानी भएको थियो ।

रास्वपाले पर्सीसम्म समानुपातिकमा पठाउने उम्मेदवारहरु छान्नुपर्ने छ ।

यस्तै, बालेन नेतृत्वको मन्त्रीपरिषदको पनि गृहकार्य गर्नुपर्ने छ ।

यी दुवै विषयमा रवि र बालेनबीच सामान्य छलफल भएको स्रोतले बताएको छ ।