नेता मोहम्मद अफताब आलमको मृत्यु

२२ कात्तिक २०८२ शनिबार, काठमाडौं । नेपाली कांग्रेसका नेता एवं पूर्वमन्त्री मोहम्मद अफताव आलमको मृत्यु भएको छ।

सिनामंगलस्थित काठमाडौं मेडिकल कलेज (केएमसी) मा उपचाररत आलमको आज बिहान ३ बजेतिर मृत्यु भएको पारिवारिक स्रोतले जनाएको छ।

उनको स्वास्थ्य अवस्था खराब भएपछि भेन्टिलेटरमा राखेर उपचार भइरहेका थियो।

सुगर, उच्च रक्तचापलगायत स्वास्थ्यमा समस्या देखिएपछि आलमलाई भर्ना गरिएको थियो ।

उनको स्वास्थ्यमा थप समस्या खराब बन्दै गएपछि भेन्टिलेटरमा राखेर उपचार भइरहेको थियो ।

उनको शवलाई आज बिहान एम्बुलेन्समार्फत रौतहट लगिएको छ।

अन्तिम दाहसंस्कारका लागि शव गृहजिल्ला रौतहटको राजपुरतर्फ लगिसकिएको पारिवारिक स्रोतले जनाएको छ।

बम बिस्फोट सम्बन्धि मुद्दामा उच्च अदालतले सफाइ दिएपछि जेठ १४ अदालतबाट रिहा भएका उनी बिरामी परेका थिए ।

२०६४ को चुनावी तयारीको क्रममा रौतहटमा बम बिस्फोटमा घाइते भएकोहरुलाई जिउँदै इट्टा भट्टामा जलाएर मारेको उनलाई आरोप थियो ।

उक्त अभियोगमा जिल्ला अदालत रौतहटले दोषी ठहर गर्दै जन्मकैदको फैसला सुनाएको थियो।

पछि उच्च अदालतले जिल्लाको फैसला उल्टाएपछि गत जेठमा उनी थुनामुक्त भएका थिए।