- २०८२ असार २१ शनिबार । काठमाडौं
एसीसी यू–१६ इस्ट जोन कप क्रिकेटको उपाधि नेपालले जितेको छ ।
मलेसियामा शनिबार भएको फाइनल खेलमा सिंगापुरलाई २ विकेटले पराजित गर्दै नेपालले उपाधि जितेको हो ।
सिंगापुरले दिएको ११४ रनको सामान्य लक्ष्य नेपालले २९ ओभरमा ८ विकेट गुमाएर पुरा गर्यो ।
नेपालका लागि जोय थापाले सर्वाधिक अविजित २४ रन बनाए ।
९२ रनमा ८ विकेट गुमाएको नेपाललाई थापाले जिततर्फ दोहोर्याएका थिए ।
त्यसअघि टस जितेर पहिला ब्याटिङ गरेको सिंगापुर ४० ओभर ५ बलमा ११३ रनमा अलआउट भएको थियो ।
सिंगापुरका रोहन अस्टिन अरुणले सर्वाधिक २३ रन बनाए ।
बलिङमा नेपालका अभय यादव र सुशील बहादुर रावलले समान ३-३ विकेट लिए ।
कप्तान विपिन शर्माले एक र शुभम खनालले २ विकेट लिए ।
