२०८२ असार १८ बुधबार । काठमाडौं
एएफसी एसियन कप छनोट अन्तर्गत आफ्नो दोस्रो खेलमा नेपालले श्रीलंकामाथि शानदार जित निकालेको छ ।
उज्वेकिस्तानमा भएको खेलमा नेपालले श्रीलंकालाई ८-० गोल अन्तरले पराजित गर्यो ।
नेपालका लागि कप्तान सावित्रा भण्डारी साम्बाले ह्याट्रिक गरिन् ।
उनले २० औं, ४२औं र पहिलो हाफको इन्जुरी समयमा गोल गरिन् ।
गीता रानाले २, पूजा राना, निशा थोकर र रेखा पौडेलले एकएक गोल गरे ।
पहिलो हाफमा ४ गोल गरेको नेपालले दोस्रो हाफमा थप ४ गोल गर्यो ।
गीताले खेलको सातौं र ५४औं, पूजाले ८९औं, निशाले ६२औं र रेखाले ७८औं मिनेटमा गोल गरेका थिए ।
यसअघि आफ्नो पहिलो खेलमा नेपालले लाओसलाई ९-० गोल अन्तरले पराजित गरेको थियो ।
नेपालले अब शुक्रबार आयोजक उज्वेकिस्तानसँग खेल्नेछ ।
उज्वेकिस्तानलाई हराउन सके नेपाल सन् २०२६ मा हुने एएफसी महिला एसियन कप फुटबलका लागि छनोट हुनेछ ।
