- २०८२ वैशाख २२ सोमबार । ललितपुर
ललितपुरको सातदोबाटो-हात्तीवन ओरालोमा कारको ठक्करबाट बिजुलीको पोल भाँचिएको छ ।
पोल भाँचिएर बीच सडकमा पुगेपछि यातायात आवागमन बन्द भएको छ ।
११ हजार भोल्टको हाइटेन्सन तार टाँगिएको पोल भाँचिएको हो ।
पोलमा ठोक्किएको कारमा रहेका तीन जना घाइते भएका छन् ।
उनीहरुको बीएण्डबी अस्पतालमा उपचार भइरहेको छ ।
ललितपुर महानगरपालिकाका नगर प्रहरी, नेपाल विद्युत् प्राधिकरणका प्राविधिकको सहयोगमा सडकबाट पोल हटाउने प्रयास जारी छ ।
मापसे
बा १५ च ७६५२ नम्बरको कार बिजुलीको पोलमा ठोक्किएको हो ।
प्रहरीका अनुसार चालकले मादक पदार्थ सेवन (मापसे) गरी कार चलाउँदा दुर्घटना भएको हो ।
कारको अगाडिको भाग क्षतिग्रस्त भएको छ ।
कार तीव्र गतिमा थियो ।
ललितपुर महानगर प्रहरी प्रमुख सिताराम हाछेथुले भने-
-मैले गाडी ठोक्किएर पोल ढलेको, बांगो भएको त देखेको छु ।
-तर सडक किनारमा गाडिएको पोल भाँचिएर बीच सडकमा पुगेको चाहिँ देखेको थिइँन ।
यो भिडियो हेर्नुभयो ?