- २०८२ वैशाख १८ बिहीबार । बुटवल
रुपन्देहीको कञ्चन गाउँपालिकामा एक महिला मृत भेटिएकी छन् ।
कञ्चन गाउँपालिका-४ थकालीचोक निवासी ४५ वर्षकी धनमाया विक मृत भेटिएकी हुन् ।
वरपिपलचोक बस्ने ४७ वर्षीय विनोद विकको घरमा धनमाया झुन्डिएको अवस्थामा (हिजो वुधबार) फेला परेकी हुन् ।
धनमाया कुवेतबाट एक साताअघि मात्रै फर्किएकी थिइन् ।
प्रहरीका अनुसार-
-घरपछाडि रहेको फलामे भर्याङको चौथो खुड्किलोमा कपडाको पासो लगाएर झुन्डिएकी थिइन् धनमाया ।
-एक खुट्टाले भुईँमा टेकेको र अर्को खुट्टा भुईँमा लत्रेको अवस्थामा शव फेला परेको थियो ।
-विनोद र धनमायाको केही दिनअघि पैसा लेनदेनसम्बन्धी विवाद भएको थियो ।
स्थानीय भन्छन्-
-धनमायाले आत्महत्या गरेको नभई हत्या गरी झुण्ड्याइएको आशंका छ ।
-घाँटीमा पासोको चोट छ, शरीरमा अन्य घाउ छैन ।
-खुट्टा भुईँमा टेकेको अवस्थामा कसरी झुन्डिइन् भन्ने प्रश्न छ ।
धनमायाका भिनाजु छविलाल विक भन्छन्-
-धनमाया र विनोदबीच निकटता रहेकाले घटना शंकाष्पद छ ।
-विनोद र धनमाया दुवै डिभोर्सी हुन् ।
-उनीहरुबीच आउने जाने थियो ।
-धनमाया विदेश हुँदा नै बाइक किन्न विनोदलाई पैसा पठाएकी थिइन् ।
-विनोदलाई श्रीमतीसँग सम्बन्धविच्छेद गर्न पनि ५ लाख पठाएको रेकर्ड हामीसँग छ ।
-धनमाया नेपाल फर्केपछि त्यो रकम फिर्ता मागेकी थिइन् ।
-तर विनादले पैसा फिर्ता दिने छाँटकाट देखाएनन् ।
-पैसा फिर्ता नदिए जे पनि हुनसक्छ भनेर धनमायाले विनोदलाई पटक-पटक भनेको थाहा भएको छ ।
-मंगलबार राति घरका आफन्त तथा परिवारसँग राति ९ बजेसम्म खानपिन गरी फर्किएकी थिइन् ।
विनोदले दिए प्रहरीलाई जानकारी
विनोदले नै आफ्नो घरमा एक महिलाले आत्महत्या गरेको भनी बिहानै इलाका प्रहरी कार्यालय रुद्रपुरमा जानकारी दिएका थिए ।
सोही सूचनाअनुसार घटनास्थलमा पुग्दा झुन्डिएको अवस्थामा शव फेला परेको हो ।
धनमायाको शव पोस्टमार्टमका लागि लुम्बिनी प्रादेशिक अस्पताल बुटवल पठाइएको छ ।
धनमाया
धनमायाको यसअघि पाल्पाका राजन सुनारसँग बिहे भएको थियो ।
श्रीमानसँग सम्बन्ध विच्छेद भई कञ्चनमा बस्दै आएकी उनी बिदेसिएकी थिइन् ।
सम्बन्ध विच्छेदपछि उनी माइतमै बसेकी थिइन् ।
राम्रै आर्थिक जोहो गरेकी थिइन् ।
बच्चाबच्ची थिएनन् ।
विनोद
विनोद पूर्वप्रहरी हवल्दार हुन् ।
उनी हाल एनआइसी बैंक रुद्रपुर शाखामा सुरक्षा गार्डको काम गर्छन् ।
विनोदले दुईवटा बिहे गरिसकेका छन् ।
पहिलो श्रीमतीबाट एक छोरी छिन् ।
पहिलो श्रीमतीसँग सम्बन्धविच्छेद भइसकेको छ ।
दोस्रो श्रीमतीतर्फ दुई छोरी छन् ।
दोस्रो श्रीमतीसँग सम्बन्धविच्छेदको प्रक्रिया अन्तिम चरणमा छ ।