- २०८२ वैशाख १५ सोमबार । काठमाडौं
शिक्षक आन्दोलनमा साथ दिन सडकमा पुगेका नेकपा एकीकृत समाजवादीका शीर्ष नेताहरु अपमानित भएर फर्किनुपर्यो ।
पार्टीका अध्यक्ष माधव नेपाल र सम्मानित नेता झलनाथ खनालसहितको टोली आन्दोलन स्थलमा पुगेको थियो ।
शिक्षकहरूको समर्थनमा चर्को भाषण गर्ने उनीहरुको खास योजना थियो ।
तर उनीहरु हिस्स बन्न पुगे ।
शिक्षकहरूले नै उनीहरुलाई त्यहाँबाट फर्किहाल्न भने ।
शिक्षकहरूले उनीहरूविरुद्ध नाराबाजी गर्न थाले ।
शिक्षकहरूले भने-
-कोही नेता यहाँ आउनु पर्दैन, सक्ने भए संसदमा बोल ।
-पञ्चायती ऐन खारेज गर, शिक्षा ऐन जारी गर ।
-पुलिसको दादागिरी बन्द गर ।
शिक्षकहरूको यस्तो आवाज सुनेपछि नेताहरू लज्जित भएर फर्किए ।
शिक्षकहरुले नारा लगाउँदै नेताहरूलाई बिजुलीबजारसम्म लखेटे ।
फर्किने क्रममा उनीहरूलाई प्रहरीले गाडीसम्म स्कर्टिङ गर्यो ।
शिक्षक महासंघका अध्यक्ष लक्ष्मीकिशोर सुवेदीले भने-
-आन्दोलन विभाजन गर्न अनेकथरी प्रचार भइरहेको छ, सचेत रहनुहोला ।
-हामीले ढाँट्नुपर्ने केही छैन ।
-२४ बुँदे कार्यसूची जारी गरेका छौं त्यो नै हाम्रो आधिकारिक डकुमेन्ट हो ।
-यहाँ ९ बुँदे ७ बुँदेका कुरा पनि आइरहेका छन्, त्यस्तो केही होइन ।