- २०८२ वैशाख १३ शनिबार । काठमाडौं
ललितपुर सिटी एफसी लगातार दोस्रो पटक नेपाल सुपर लिग (एनएसएल) च्याम्पियन बनेको छ ।
एनएसएलको तेस्रो संस्करण अन्तर्गत आज भएको फाइनलमा पोखरा थन्डर्स फुटबल क्लवलाई २-१ गोल अन्तरले पराजित गर्दै ललितपुरले उपाधि उचालेको हो ।
एनएसएलको यो सिजनमा ललितपुरले कुनै पनि खेल हारेन ।
दशरथ रंशगालामा भएको फाइनलमा ललितपुरले पहिलो हाफमा एक गोलको अग्रता लिएको थियो ।
दोस्रो हाफमा पोखराले एक गोल फर्कायो ।
७४ औं मिनेटमा ललितपुरले दोस्रो गोल गर्दै जित सुनिश्चित गर्यो ।
ललितपुरका लागि ४२औं मिनेटमा इमोह इजेकेलले गोल गरे ।
६३औं मिनेटमा पोखराका सुदील राईले गोल गरे ।
७४औं मिनेटमा पापा इबोउ केबेले गोल गर्दै ललितपुरलाई उपाधि दिलाए ।
