कक्षा १२ को परीक्षा सञ्चालनमा नेपाल शिक्षक महासंघ सहभागी नहुने भएको छ ।
महासंघको सोमबार बसेको बैठकले कक्षा १२ को परीक्षामा सहभागी नहुने निर्णय गरेको हो ।
नेपाल शिक्षक महासंघका अध्यक्ष लक्ष्मीकिशोर सुवेदीले भने-
-कक्षा १२ को परीक्षामा कोही पनि शिक्षक कर्मचारी सहभागी नहुने निर्णय गरेका छौं ।
-महासंघले विद्यालय बन्द गर्ने निर्णय गरेको छ ।
कक्षा १२ को परीक्षा वैशाख ११ गतेदेखि सुरु हुँदैछ ।
नयाँ शैक्षिक सत्र पनि सुरु भएको छ ।
सरकारले भर्ना अभियान घोषणा गरेको छ ।
विद्यालय शिक्षा ऐन जारी गर्न माग गर्दै महासंघको नेतृत्वमा चैत २० गतेदेखि शिक्षकहरूले सडक आन्दोलन गरिरहेका छन् ।
महासंघले शैक्षिक हड्ताल समेत घोषणा गरेको छ ।