आईसीसी यु १९ विश्वकप त्रिकेटको एसिया छनोटअन्तर्गत आफ्नो पहिलो खेलमा नेपालले युएइलाई हराएको छ ।
डिएसएल प्रणालीबाट नेपाल विजयी भएको हो ।
मुलपानी क्रिकेट मैदानमा नेपालले युएइलाई २०१ रनको टारगेट दिएको थियो।
युएईले ३६ ओभरको खेल सकिँदा ७ विकेट गुमाएर १७१ बनाएको थियो ।
सोही समयमा वर्षा भएसँगै खराब प्रकाशका कारण डिएलएस प्रणालीमार्फत नतिजा निकालिएको हो ।
युएईका लागि यायिन किरण राईले अविजित १०४ रन जोड्न सफल भए ।
त्यसअघि सुरुमा ब्याटिङ गरेको नेपालले निर्धारित ४० ओभरमा ९ विकेट गुमाएर २०० रन बनाएको थियो ।
नेपालका लागि कप्तान नरेन भट्टले अर्धशतकीय इनिङ खेले ।
नरेनले ७५ बलमा सर्वाधिक ६७ रन बनाए ।
दिलसाद अलीले ३४ र साहिल पटेलले ३२ रनको योगदान गरे ।
बलिङमा यूएईका उदिस सुरीले सर्वाधिक ३ विकेट लिए ।
मैदान भिजेको कारण केही ढिला सुरु भएको खेल ४० ओभरमा छोट्याइएको थियो ।
पहिलो जितसँगै नेपालले २ अंक जोडेको छ ।