हङकङमा भएको टी २० सिरिजको फाइनलमा नेपाल पराजित भएको छ ।
बसिर अहमदको साहसिक ब्याटिङलाई पन्छाउँदै कुवेत उपाधि जित्न सफल भयो ।
कुवेतले नेपाललाई १७५ रनको टारगेट दिएको थियो ।
नेपालले खराब ब्याटिङ गर्दै ९२ रनमा आठ विकेट गुमाइसकेको थियो ।
हारको नजिक पुगिसकेको टिमलाई बसिरले १० औं नम्बरमा आएका नन्दन यादवको सहयोगमा चामत्कारिक उद्दार गर्दै जित नजिक पुर्याएका थिए ।
बसिर अहमदले सानदार ब्याटिङ गर्दै ८० रन बनाए ।
तर, अन्तिममा उनी चुके ।
नेपाललाई अन्तिम ओभरमा जितका लागि ११ रन चाहिएको थियो । पहिलो बल नो बल भयो र त्यसमा बसिरले छक्का हाने ।
एक बलमा सात रन आएपछि नेपाललाई ५ बलमा ४ रन मात्र चाहिएको थियो ।
नेपाली दर्शकले सेलिब्रेसन गर्न थालिसकेका थिए ।
तर, त्यसपछिका दुई बल डट खेलेर बसिर प्रेसरमा आए ।
तेस्रो बललाई छक्का हान्न खोज्दा उनी क्याच आउट भए ।
र उपाधि कुवेतले उचाल्यो ।