वि.सं. २०८१ मा चार वटा नेपाली फिल्मले १० करोडभन्दा माथिको व्यवसाय गर्न सफल भएका छन् ।
चलचित्र बिकास बोर्डले सार्वजनिक गरेको ५९ प्रदर्शित फिल्मको बक्स अफिस रिपोर्टमा चार फिल्म १० करोडभन्दा बढी व्यवसाय गर्न सफल देखिएका हुन् ।
१. पूर्ण बहादुरको सारङ्गी
१० करोडभन्दा माथि कमाई गर्ने चार फिल्मको लिस्टमा सबैभन्दा अगाडि ‘पूर्ण बहादुरको सारङ्गी’ छ ।
फिल्मले नेपाली हलबाट ६० करोडभन्दा माथिको ग्रस कलेक्शन गरेको छ ।
२. १२ गाउँ
दोस्रो नम्बरमा फिल्म ‘१२ गाउँ’ देखिएको छ ।
१२ गाउँले १९ करोड ९२ लाख भन्दा बढी कमाएको छ ।
निर्माण युनिटले भने फिल्मको आम्दानी २६ करोडभन्दा बढी भएको भनेको थियो ।
३. छक्का पन्जा ५
त्यस्तै १० करोडभन्दा बढी कमाउने फिल्मको तेस्रो नम्बरमा ‘छक्का पन्जा ५’ छ ।
छक्का पन्जा ५ ले घरेलु बक्स अफिसमा १५ करोड भन्दा माथिको कमाई गरेको छ ।
४. बोक्सीको घर
चौथो नम्बरमा ‘बोक्सीको घर’ रहेको छ ।
बोक्सीको घरले १० करोड २ लाख कमाएको छ ।
