एजेन्सी,२० माघ । बलिउड स्टार सलमान खान यो वर्ष विवाह गर्दैछन् । उनकी दुलही हुनेछिन् कट्रिना कैफ । सलमान र कट्रिनाको विवाहको तयारी पनि भइसकेको बताइएको छ ।
तर, यस जोडीको विवाह ‘रियल’मा नभई ‘रिल’ लाइफमा हुन लागेको हो ।
सलमान र कट्रिना अभिनित चलचित्र भारतका लागि वेडिङ सिक्वेन्स सुट गर्ने तयारी भइरहेको छ । भारतीय सञ्चार माध्यमका अनुसार यो एक विवाहको गीत हुनेछ । यो एक अपबीट गीत हो ।
भारतको सेटबाट कट्रिनाको एउटा फोटो पनि सार्वजनिक भएको छ जसमा उनी बेहुलीको अवतारमा देखिएकी छिन् । यसअघि सलमान र कट्रिनाले माल्टामा एउटा गीत सुटिङ गरिसकेका छन् ।
