काठमाडौं । निर्देशक समिर जोशीको निर्देशनमा सत्यकथामा आधारित टेलिशृंखला मेरो एउटा प्रेमकथाको शिर्ष गीत recording सम्पन्न भएको छ ।
रत्न शोभा महर्जनको आवाजमा सुमन कपालीको संगीत र ज्योति खतिवडाको रचना रहेको ‘मेरो एउटा प्रेमकथा’को निर्माता सानु नेपाल हुन् भने पटकथा संवाद ज्योति खतिवडा, उषा किरण अधिकारी र समिर जोशीको छ ।
शीघ्र छायंकन हुन लागेको उक्त टेलिशृंखलाको कलाकार छनोट र पटकथा संवााद लेखन कार्य तीव्र रुपमा भइरहेको निर्माता सानु नेपालले जानकारी दिनुभयो ।
उक्त कथा (टेलिशृंखला) आमदर्शकले पठाएको आफ्नै प्रेमकथामा आधारित हुने निर्देशन जोशीले बताउनुभयो । साथै टेलिशृंखलामा विभिन्न सेलेब्रेटी तथा अन्य चर्चित व्यक्तिको प्रेमकथा समेत प्रस्तुत गरिनेछ ।
digi pay को प्रस्तुती, sanu movies र binav creations द्वारा निर्माण हुने उक्त टेलिशृंखलाको छायांकन बिनोद श्रेष्ठले गर्नेछन् भने सुनिल श्रेष्ठले सम्पादन गर्नेछन् ।
आम दर्शकलाई आफ्नो प्रेमकथा binavcreations@gmail.com मा पठाउन निर्माण संस्थाले आह्वान गरेको छ ।
तपाइँले आफ्नो जीवनमा भोगेको (तपाइँको प्रेमकथा) binavcreations@gmail.com मा पठाउनुभयो भने तपाइँको कथा टेलिश्रृंखलामार्फत प्रसारण गरिनेछ । साथै तपाइँ आफै पनि अभिनय गर्न इच्छुक हुनुहुन्छ भने अभिनयको अवसर समेत पाउनुहुनेछ ।
तपाइँले पठाउनुभएको कथा उत्कृष्ट अर्थात प्रशारणयोग्य भएमा उचित पारिश्रमिक (पुरस्कार) समेत प्रदान गरिने निर्माता सानु नेपालले जानकारी दिनुभयो ।
