वीस् अटिजम् फाउण्डेसनको सहयोगार्थ रुपक डोटेलको साथमा ‘म्युजिकल इभ’

SOCIETY

किवानीज क्लब अफ काठमाण्डौले वीस् अटिजम् फाउण्डेसन नेपालको सहयोगार्थ चर्चित गायक रुपक डोटेलको साथमा “म्युजिकल इभ” आयोजना गरेको छ।

“म्यूजिकल इभ” असोज १६ गते शनिबार काठमाण्डौको सुकेधारास्थीत यूनिभर्सल क्याफेमा दिउँसो ४ बजेबाट सुरु हुनेछ ।
उक्त कार्यक्रममा युवा पुस्ताका चर्चित गायक रुपक डोटेलको साथमा सिर्जु अधिकारी र रमेश बाबुको बेजोड प्रस्तुती रहने आयोजकले जनाएको छ ।

किवानीज क्लव अफ काठमाण्डौले अन्य विभिन्न सामाजिक संस्थाहरुसँगको सहकार्यमा संचालन गर्न लागेको वीस् अटिजम् फाउण्डेसन नेपालको लागि रकम जुटाउन सो कार्यक्रम आयोजना गरेको हो । क्लबले आर्थिक तथा शारिरिक रुपमा कमजोर रहेका बालबालिकाहरुको सहयोगार्थ विभिन्न कार्यक्रमहरु पनि संचालन गर्दै आइरहेको छ ।

वीस् अटिजम् फाउण्डेसन नेपालले वौद्धिक अपांङता भएका बालबालिकाहरुको क्षमता विकासमा काम गर्ने लक्ष्य राखेको छ । उक्त च्यारीटी मार्फत संकलन भएको रकम किवानीज क्लव अफ काठमाण्डौ नेपालयले फाउण्डेसनलाई उपलब्ध गराउने छ ।

कार्यक्रमको प्रमुख प्रायोजकमा गुडवील फाइनान्स रहेको छ । त्यस्तै आईएमई फाउन्डेसन, कुल इनर्जी ड्रिक्स, ह्वाईट हिमालय ट्रेक प्रायोजकका रुपमा रहेका छन् ।

सागा एडभान्चर टुर्स एण्ड ट्राभल्स, रेवा सफ्ट, आइमार्क , छबि बेक्स, रुची फेसन वयर बिजी मल, होटल ब्लुबेरी, होटल गरंगा बन्दीपुर तथा नोटबजार, पोष्टमाण्डू एंवम खबरबाणी सहयोगी संस्थाका रुपमा रहेका छन् ।

“म्यूजिकल इभ” को प्रवेश शुःंल्क एक हजार ५ सय रुपैयाँ राखिएको छ । सहभागीलाई डिनरको व्यवस्था समेत छ । इच्छुक सहभागीले कार्यक्रम स्थलबाट पनि टिक खरिद गर्न सक्नेछन् ।

Leave a Reply

Your email address will not be published. Required fields are marked *