ललितपुर । किवानिज क्लब अफ कान्तिपुर तथा किवानिज क्लब अफ नेपालय एवं बोधिसत्व फाउन्डेसनको सहकार्यमा चापागाउँ, ललितपुर स्थित स्पेसल एडुकेसन एण्ड रिह्याविटेसन सेन्टर एसइआरसी (SERC) मा रहेका २५ जना बालबालिकाका लागि खाद्यान्न तथा स्वास्थ्य सामाग्री प्रदान गरिएको छ।
डिभिजन लिडर उत्तम सिलवालको प्रमुख आतिथ्यमा सम्पन्न कार्यक्रमा दुबै क्लबका प्रेसिडेन्टद्वय राजन न्यौपाने एवं डा. अनुपमा श्रेष्ठ साथै बोधिसत्व फाउन्डेसनकी प्रतिनिधि सीता भण्डारीले संयुक्त रूपमा खाद्यान्न तथा स्वास्थ्य सामाग्री एसइआरसीकी अध्यक्ष गुनमाया गुरुङलाई हस्तान्तरण गर्नुभयो ।
कार्यक्रममा २५ बोरा चामल, १२५ केजी दाल २५ केजी मसला, १२५ केजी गेडागुडी, ५० लिटर तेल, ३० क्रेट अण्डा, नुनलगायतका खाद्य सामाग्री प्रदान गरिएको थियो ।
कार्यक्रममा कोरोना संक्रमण नियन्त्रणका लागि अति आवश्यक सेनिटाइजर, मास्क तथा अन्य स्वास्थ्य सामाग्री समेत प्रदान गरिएको थियो ।
सुस्त मनस्थिति, अटिजम, डाउन सिन्ड्रम तथा शारीरिक अपागंता भएका बालबालिकाको पुनर्स्थापनको लागि काम गर्दै आइरहेको संस्था एसइआरसीमा हाल २५ जना बालबालिका बस्दै आएका र अन्य ९० जना बालबालिकालाई सेवा प्रदान गर्दै आहिरहेको संस्थाकी अध्यक्ष गुरुङले जानकारी दिनुभयो ।
COVID 19 महामारीबीच यो सहयोगले ठूलो राहत पुगेको अध्यक्ष गुरूगंले बताउनुभयो । सगयोगी संस्थालाई धन्यवाद दिँदै उहाँले कदर पत्र समेत हस्तान्त्रण गर्नुभयो ।
कार्यक्रममा डिस्ट्रिकका कोषाध्यक्ष सन्तोष पोखरेल तथा पास्ट लेफ्टिनेन्ट गभर्नर मनिषा बिमलीको समेत उपस्थिति थियो ।
