एरिक्सनको स्वास्थ्यमा सुधार

NEWS

एजेन्सी । मैदानमा लडेर अचेत भएका डेनमार्कका मिडफिल्डर क्रिस्टियन एरिक्सनको स्वास्थ्यमा सुधार आएको छ ।

उनलाई अस्पताल भर्ना गरिएको छ ।

उनको स्वास्थ्यमा सुधार आएसँगै डेनमार्कका नागरिक तथा विश्वभरका फुटबलप्रेमी निकै खुशी भएका छन् ।

मिडफिल्डर क्रिस्टियन एरिक्सन होसमा आएका छन् । यूईएफएले एरिक्सन होसमा आएको र अस्पताल लागिएको जानकारी दिएको छ ।

बल उनको स्थानसम्म नआउँदै एक्कासी ढलेका एरिक्सनलाई मैदानमा स्वास्थ्य टोलीले सिपिआर (कार्डियो पल्मोनरी रिससिटेसन) पनि दिएका थिए ।

झन्डै १५ मिनेट मैदानमा नै उपचार गरेपछि उनलाई स्ट्रेचरमा मैदान बाहिर लागिएको थियो ।

उनी मैदानमा लडेपछि डेनमार्कका समर्थक, विपक्षी टिमका समर्थक तथा फुटबल खेलाडीहरु नै रोइरहेका थिए ।

युरोपेली च्याम्पियनसिप अन्तर्गत डेनमार्क र फिनल्याण्ड बीच (समूह बी) को खेल जारी रहँदा पहिलो हाफमा नै उनी मैदानमा ढलेका थिए ।

त्यसपछि खेल नै रोकिएको थियो ।

पहिलो हाफको ४३ औं मिनेटमा डेनमार्कका मिडफिल्डर क्रिस्टियन एरिक्सन एक्कासी मैदानमा लडेर अचेत भएपछि रेफ्रीले तत्काल स्वास्थ्य टिम मैदान बोलाएका थिए ।

बल उनको स्थानसम्म नआउँदै एक्कासी ढलेका एरिक्सनलाई मैदानमा स्वास्थ्य टोलीले सिपिआर (कार्डियो पल्मोनरी रिससिटेसन) पनि दिएका थिए ।

झन्डै १५ मिनेट मैदानमा नै उपचार गरेपछि उनलाई स्ट्रेचरमा मैदान बाहिर लागिएको थियो ।

डेनमार्कका खेलाडी निकै चिन्तामा देखिन्थे भने केही खेलाडीको आँसु समेत झरेको थियो ।

यो पढ्नुभयो ?

मिडफिल्डर मैदानमै ढलेपछि रोकियो खेल, पहिले पनि भएको थियो यस्तो ?

फुटबलमा यस्तो घटना पहिलो पटक भएको भने होइन ।

यसअघि सन् २०१२ मा यस्तै घटनामा बोल्टोन वान्डरर्सका फाब्रिस मुआम्बा मैदानमा एक्कासी लड्दा ७८ मिनेटसम्म मुटुको धड्कन रोकिएपछि पनि ठिक भएका थिए ।

उनले खेल करिअरबाट भने त्यसपछि सन्यास लिए ।

युइएफएले यसबारे केहीबेरमा नै औपचारिक धारणा सार्वजनिक गर्नेछ ।

Leave a Reply

Your email address will not be published. Required fields are marked *