काठमाडौं । नेपाली फिल्म ‘२ रुपैयाँ’को गीत ‘कुटमा कुटु…’ ले भिडियो साझेदारी साइट युट्युवमा सर्वाधिक पटक हेरिने नेपाली गीतको कीर्तिमान राखेको छ ।
मंगलबारसम्म १५ करोड एक लाखभन्दा बढी पटक यसलाई हेरिएको छ ।
नेपाली र गैरनेपाली दर्शक तथा श्रोताबीच पनि लोकप्रिय बनेको यो गीतमा राजनराज शिवाकोटीले संगीत भरेका हुन् ।
दोस्रो स्थानमा टीका प्रसाइँले गाएको ‘माया लुकलुकी’ छ जसलाई १० करोड ६० लाखभन्दा बढी पटक हेरिएको छ ।
अहिलेसम्म युट्युवमा १० करोडभन्दा बढी पटक हेरिएका यी दुई गीत हुन् ।
स्वस्तिमा खड्का, निश्चल बस्नेत र आसिफ शाह फिचर्ड गीत ‘कुटुमा कुटु’ गीतका विदेशी भर्सन पनि रिलिज भएका थिए ।
टीकटक लगायतका सामाजिक सञ्जालमा हिट बनेको यो गीतमा टन्नै कभर गीत पनि निर्माण भएका थिए ।
यी हुन् TOP 10 SONG (१८ जेठसम्मको तथ्यांक)
१) कुटुमा कुटु – १५ करोड एक लाख ४० हजारभन्दा बढी
२) माया लुकुलुकी – १० करोड ६० लाख ७२ हजारभन्दा बढी
३) पिरिम नलाउने – ७ करोड ८२ लाख ५४ हजारभन्दा बढी
४) साली मन पर्यो – ७ करोड ४१ लाख १४ हजारभन्दा बढी
५) सालको पात टपरी – ६ करोड ९८ लाख ३२ हजारभन्दा बढी
६) गोजीमा दाम छैन – ६ करोड ९६ लाख २५ हजारभन्दा बढी
७) नाच फिरिरी – ६ करोड ८८ लाख ३९ हजारभन्दा बढी
८) माया बिरानी – ६ करोड ५८ लाख १८ हजारभन्दा बढी
९) कसरी कसरी २ – ६ करोड ३७ लाख ५८ हजारभन्दा बढी
१०) फुलबुट्टे सारी – ५ करोड ७१ लाख ७४ हजारभन्दा बढी
