गायक सागर कुवँरले ‘संघर्ष’ बोलको र्याप गीत सार्वजनिक गरेका छन् ।
भरतपुरका सागर विगत ५ वर्षदेखि अस्ट्रेलियामा बसोबास गरिरहेका छन् ।
मानिसले संघर्ष गर्ने क्रममा भोगेका पीडालाई प्रेरणाका रुपमा लिनुपर्ने सन्देश उनले यस गीतबाट प्रवाह गर्न खोजेका छन् ।
सपना पूरा गर्नका लागि संघर्ष अनिवार्य रहेकाले यसबाट विचलित हुन नहुने सन्देश उनले भिडियोमार्फत पनि दिएका छन् ।
गीतको भिडियो काठमाडौं आएको एक व्यक्तिको संघर्षमा केन्द्रित छ ।
भिडियोको सम्पादन तथा निर्देशन अनुप राईले गरेका हुन् ।
त्यस्तै, गीतको मिक्सिङ र मास्टरिङ मिस्ट चाम्ब्लिङले गरेका छन् ।
भिडियोमा सागर कान्छोले अभिनय गरेका छन् भने डिओपी रविन लामाले कलरिस्टको काम समेत गरेका छन् ।
त्यस्तै, हिमाल खड्का र कर्मा लामाले गीतको छायाँकन गरेका छन् ।
यस भिडियोमा मेकअपको काम मन्जिला मानन्धरले गरेकी छिन् ।