नेपाल फाइनान्सको ८ वटा साधारण सभा सम्पन्न, हकप्रद बिक्री गरेर थप पूँजी जुटाउने

अर्थतन्त्र
180 Shares

काठमाडौं । नेपाल फाइनान्सले एकसाथ ८ आर्थिक वर्षको साधारण सभा सम्पन्न गरेको छ ।

असोज १० गते शनिबार सम्पन्न साधारण सभाले संस्थाको चुक्ता पूँजी वृद्धिका लागि १७५ प्रतिशत हकप्रद शेयर बिक्री गर्ने लगायतका प्रस्ताव पारित गरेको छ ।

संस्थाको केन्द्रीय कार्यालय कमलादीमा शेयरधनीहरुको भौतिक तथा अभौतिक (भर्चुअल) उपस्थितिको माध्यमबाट २० देखि २७ औं बार्षिक साधारण सभा सम्पन्न भएको हो ।

सञ्चालकहरु प्राध्यापक हिरेन्द्र मान प्रधान (Prof. Hirendra Man Pradhan), चन्द्र कुमार राई (Chandra Kumar Rai), दिप्रश शाक्य (Diprash Shakya), राजन प्रजापती (Rajan Prajapati), रोजिना श्रेष्ठ (Rojona Shrestha), लक्ष्मी महर्जन (Laxmi Maharjan) तथा स्वतन्त्र सञ्चालक आनन्द कृष्ण ताम्राकार (Ananda Krishna Tamrakar) लगायत आधारभुत शेयरधनीहरुको उपस्थितीमा साधारण सभा सम्पन्न भएको हो ।

सो साधारणसभाले संंस्थाको अधिकृत पूँजी १ अर्ब र जारी तथा चुक्ता पूँजी ८४ करोड २ लाख बनाउने निर्णय समेत गरेको छ ।

नेपाल राष्ट्र बैंकले ग बर्गका वित्तीय संस्थाको चुक्ता पूँजी ८० करोड पुर्याउन दिएको निर्देशन बमोजिम सो निर्णय गरेको हो । संस्थाको चुक्तापूँजी ८४ करोड २ लाख ६५ हजार ५९४ पुर्याउन १ः१.७५ (एक बराबर एक दशमलब सात पाँच) को अनुपातमा हकप्रद शेयर जारी गर्ने बिशेष प्रस्ताव उक्त साधारणसभाबाट पारित गराएको छ ।

संस्थाको मिति २०७४ फागुन २९ गते सम्पन्न भएको बिशेष साधारण सभाको निर्णय बमोजिमको हाल कायम चुक्ता पूँजीको १ः१.२५ को दरले हकप्रद शेयर जारी गर्ने गरी प्रकृया थालिएकोमा सोको धितोपत्र बोर्डबाट स्वीकृत हुने अन्तिम चरणमा रहेको छ जस अन्र्तगत आधारभुत लगानीकर्ता तथा संचालकहरुबाट उक्त हकप्रद शेयर बापतको रकम कल्स इन एडभान्समा जम्मा भइसकेको कम्पनीले जनाएको छ ।

हाल संस्थाको सुधार कार्यक्रम अन्तर्गत केहि अत्यावश्यक भौतिक सामाग्रीहरु परिवर्तनका साथै आन्तरिक व्यवस्थापनमा सवलिकरण गर्ने, संचालन जोखिमलाई न्यूनिकरण गर्ने उपायहरु समेत अवलम्वन गरिएको छ । अब आउने दिनहरुमा संस्थालाई आधुनिकिकरण गर्दै लैजाने रणनिति लिइएको समेत जनाएको छ ।

Leave a Reply

Your email address will not be published. Required fields are marked *