‘त्रिचन्द्र क्याम्पस सार्ने कुरा हल्ला हो’

समाज
5 Shares

काठमाडौं । त्रिचन्द्र क्याम्पस स्थानान्तरण गर्न लागिएको भन्ने समाचारमा सत्यता नभएको क्याम्पसले जनाएको छ ।

रानीपोखरी वरिपरिका संरचना हटाउने र त्रिचन्द्र क्याम्पसलाई जमलको राष्ट्रिय नाचघर अगाडि (पहिले त्रिविको परीक्षा नियन्त्रण कार्यालय रहेको स्थानमा) सार्ने समाचार हालै सार्वजनिक भएका थिए ।

ती समाचारहरु गलत र भ्रामक भएको त्रिचन्द्र क्याम्पसका प्रमुख प्रा.डा.सुनिल अधिकारीले बताएका छन् ।

अधिकारीले एक विज्ञप्ति जारी गर्दै भनेका छन्, ‘त्रिचन्द्र क्याम्पसको स्थानान्तरण सम्बन्धी हालै बाहिरिएका समाचारहरु गलत एवम् भ्रामक भएको र यस सम्बन्धी कुनै पनि सम्झौता सम्बन्धित निकायसँग त्रिचन्द्र क्याम्पसको तर्फबाट नगरिएको जानकारी गराउँदै सो समाचारप्रति क्याम्पस परिवार पूर्णरुपमा असहमति व्यक्त गर्दछ ।’

क्याम्पस प्रमुख अधिकारीले एक सय वर्षभन्दा बढी पुराना ऐतिहासिक पुरातात्विक एवम् शैक्षिक भवन तथा अन्य भवनका प्रयोगशाला र कक्षा कोठाहरु २०७२ सालको भूकम्पले क्षति भएकाले पुनर्निर्माणका लागि अपिल समेत गरेका छन् ।

यो पढ्नुभयो ?

‘त्रि-चन्द्र क्याम्पस भत्काउने दुस्प्रयास नहाेस्’

Leave a Reply

Your email address will not be published. Required fields are marked *