काठमाडौं । अघोरी बाबा भनेर चर्चित विजय केसीलाई प्रहरीले पक्रेको छ ।
उनीमाथि ठगी गरेको आरोप लागेको छ । महानगरीय प्रहरी वृत्त बौद्धले उनलाई पक्राउ गरेको हो ।
महानगरीय प्रहरी परिसर काठमाडौँका प्रहरी प्रवक्ता होविन्द्र बोगटीले अघोरी बाबाले विदेश पठाइदिन्छु भन्दै ठगी गरेको उजुरी परेपछि सोधपुछका लागि नियन्त्रणमा लिइएको जानकारी दिएका छन् । उनलाई बौद्धमा राखिएको छ ।
अघोरीसँगै उनकी पत्नीलाई पनि नियन्त्रणमा लिएर सोधपुछ गरिरहेको प्रहरीले जनाएको छ ।
