काठमाडौंमा नयाँ विधिबाट कोरोना टेस्ट, तुरुन्तै रिजल्ट थाहा हुने

समाचार
38 Shares

काठमाडौं, १५ मसिर । सरकारले नयाँ विधिबाट कोरोना भाइरस परीक्षण सुरु गरेको छ ।

परीक्षणपछि तुरुन्तै नतिजा आउने तथा फिल्डमै धेरै जनाको परीक्षण गर्न सकिने विधि एन्टिजेन जाँच सुरु गरिएको हो ।

अनामनगरलगायत काठमाडौंका चार-पाँच ठाउँमा अहिले बिहान यो परीक्षण सुरु गरिएको इपिडिमियोलजी तथा रोग नियन्त्रण महाशाखाका निर्देशक डा. वासुदेव पाण्डेले बताए ।

डब्लूएचओकै सहयोगमा सञ्चालन गरिएको यो निःशुल्क परीक्षण अभियान हो । सुरुमा एन्टिजेन परीक्षण काठमाडौं उपत्यकाबाट थालिएको छ ।

यो विधिका लागि स्वाब नै आवश्यक पर्ने तर आधा घण्टाभित्रमै नतिजा आउँछ ।

यसको ‘सेन्सिटिभिटी’ पिसिआर विधिको भन्दा राम्रो रहेकाले यो परीक्षण विश्वसनीय रहेको ड. पाण्डे बताउँछन् ।

उपत्यकामा प्रभावकारी देखिए यो परीक्षण अभियान देशभर सञ्चलान गरिने सरकारको योजना छ ।

काठमाडौं उपत्यकामा अब हरेक दिन ५०० जनाको एन्टिजेन विधिबाट कोरोना परिक्षण गरिनेछ ।

काठमाडौं महानगरपालिकाका वडा नम्बर ४, ७ र ९ मा आज एन्टिजेन परिक्षण सुरु गरिएको छ ।

महानगरपालिकाका जोखिमयुक्त स्थान गौरीघाट, चाबहिल, विशालनगर, धुम्बाराही, बत्तीसपुतली र मित्रपार्कमा एन्टिजेन परीक्षण सुरु गरिएको हो ।

के हो एन्टिजेन परीक्षण ?

यो छिटो छरितो रूपमा कोरोना भाइरस पत्ता लगाउने एउटा विधि हो । यसका लागि पनि नाक र घाँटीबाट स्वाब लिनुपर्छ ।

तर कुनै प्रयोगशाला वा विशेष उपकरण चाहिँदैन । फिल्डमै गर्न सकिन्छ ।

सानो थर्मोमिटर भन्दा अलि मोटो लाम्चो र्‍यापिड एन्टिजेन किटमा एक थोपा स्वाब राख्दा लाइन आयो भने व्यक्तिमा कारोनो संक्रमण छ भन्ने भन्ने थाहा हुन्छ ।

पिसिआर परीक्षण गर्दा नतिजा थाहा पाउन ४८ देखि ७२ घण्टासम्म लाग्छ भने यसबाट करिब आधा घण्टामै थाहा पाउन सकिन्छ ।

Leave a Reply

Your email address will not be published. Required fields are marked *